اسلام آباد۔1جون (اے پی پی):اسپیکر قومی اسمبلی سردار ایاز صادق نے سینئر صحافی و سابق صدر پارلیمانی رپورٹرز ایسوسی ایشن (پی آر اے) بہزاد سلیمی کے چھوٹے بھائی فواد سلیمی پرسانگلہ ہل میں ہونے والے قاتلانہ حملہ کی مذمت کرتے ہوئے کہا کہ اللہ تعالیٰ کا شکر ہے کے فواد سلیمی حملہ میں محفوظ رہے۔
قومی اسمبلی سیکرٹریٹ ،ڈائریکٹوریٹ جنرل آف میڈیا کی جانب سے ہفتہ کو جاری مذمتی بیان میں اسپیکر قومی اسمبلی نے بہزاد سلیمی اور ان کے خاندان کے ساتھ مکمل یکجہتی کا اظہار کیا۔ انہوں نے انسپکٹر جنرل آف پولیس (آئی جی) پنجاب کو واقعہ میں ملوث ملزمان کے خلاف مقدمہ درج کر کے فوری گرفتار کرنے کی ہدایت کی ۔اسپیکر نے آئی جی پنجاب کو واقعہ کی مکمل تحقیقات کر کے ملزمان کے خلاف تادیبی کارروائی عمل میں لانے کی بھی ہدایت کی ہے۔