پیپلز پارٹی بجٹ کی تیاری سے لاعلم ، تحفظات کا اظہار کر دیا

حکومت اتحادی جماعت پیپلز پارٹی نے وفاقی بجٹ کی تیاری میں اعتماد میں نہ لینے پر تحفظات کا اظہار کیا ہے۔

پیپلز پارٹی کے رہنما خورشید شاہ نے مجوزہ وفاقی بجٹ سے مکمل لاعلمی ظاہر کرتے ہوئے کہا ہے کہ کیسی تجاویز، کیسا بجٹ، حکومت نے کچھ بتایا نہ ہی ہمیں اعتماد میں لیا گیا ہے۔

پیپلز پارٹی نے مسلم لیگ ن سے پنجاب میں اضافی وزارتیں مانگ لیں

خورشید شاہ کا کہنا تھا کہ نہیں معلوم ن لیگ نجکاری پالیسی، ٹیکسز، ترقیاتی پروگرام پر کیا کچھ کر رہی ہے، نہیں معلوم ، عوام کو ریلیف دینے کے اقدامات میں کس صوبے کو کیا حصہ دیا جا رہا ہے، وفاقی وزارتوں کے منصوبوں میں کیا نیا ہے کیا پرانا ؟ ہمیں نہیں بتایا گیا۔

بجٹ میں بینظیر انکم سپورٹ پروگرام کیلئے 593 ارب روپے مختص کئے جانیکا امکان

انہوں نے کہا کہ ہمیں یہ بھی نہیں بتایا گیا کہ بجٹ حکومت خود بنا رہی یا آئی ایم ایف کا بجٹ مسلط کیا جا رہا ہے، حکومت کا سارا بوجھ پیپلز پارٹی نے شیئر کر رکھا ہے، بجٹ میں عوام ہم سے پوچھیں گے کہ یہ کیا کر دیا، کیا ہم عوام کو یہ بتائیں کہ ہمیں تو پتہ ہی نہیں؟۔