پی ٹی آئی حکومت نے ساڑھے 3 سال میں 46 ارب ڈالرغیرملکی قرضہ لیا جبکہ پی ڈی ایم اور نگراں حکومت نے مارچ 2024 تک 26 ارب ڈالر قرض لیا۔
یہ انکشاف وزارت خزانہ کی جانب سے قومی اسمبلی میں پیش کی گئی قرضوں کی تفصیلات پرمبنی رپورٹ میں کیا گیا ہے۔
گزشتہ روز قومی اسمبلی کے اجلاس میں وزارت خزانہ نے لیے گئے قرضوں کی تفصیلات قومی اسمبلی میں پیش کردیں جس میں پی ٹی آئی، پی ڈی ایم اورموجودہ حکومتوں میں لیے گئے قرضہ جات کی تفصیلات شامل ہیں۔
عالمی بینک نے داسو ہائیڈرو پاور پراجیکٹ کیلئے ایک ارب ڈالر کی منظوری دیدی
رپورٹ کے مطابق تحریک انصاف حکومت نے اپنے ساڑھے 3 سال دور اقتدارمیں 46 ارب ڈالرغیرملکی قرضہ لیا جبکہ پی ڈی ایم اورنگراں حکومت نے مارچ 2024 تک 26 ارب ڈالرقرض لیا۔
وزارتِ خزانہ کے مطابق موجودہ حکومت نے ماہ مارچ تا اپریل 3 ہزارارب روپے قرض لیا، موجودہ حکومت نے 43 کروڑ ڈالر غیرملکی قرضہ لیا۔