وفاقی وزیرِ داخلہ سینیٹر محسن نقوی نے صدرِ مملکت آصف علی زرداری سے ملاقات کی جس دوران ملکی صورتحال پر تبادلہ خیال کیا گیا۔
وزیر داخلہ محسن نقوی صدر زرداری سے ملاقات کے لیے ایوانِ صدر پہنچے۔ ملاقات کے دوران باہمی دلچسپی کے امور اور ملکی سیاسی صورتحال پر تفصیلی تبادلۂ خیال کیا گیا۔
ملاقات کے دوران صدرِ مملکت کا کہنا تھا کہ پاکستان کو آگے لے کر جانا ہے، اس سلسلے میں سب کو اپنا کردار ادا کرنا ہو گا۔ سیاسی جماعتوں کو جمہوری اور آئینی ذمے داری نبھاتے ہوئے وطن کی ترقی و خوش حالی کو مقدم رکھنا ہے۔
وفاقی وزیر داخلہ محسن نقوی کی مولانا فضل الرحمان سے ملاقات