پاکستان کے دو شہروں فیصل آباد اور کوئٹہ میں آج 7 محرم الحرام کے موقع پر موبائل اور انٹرنیٹ سروس بند رہے گی۔
پنجاب حکومت نے فیصل آباد میں موبائل سروس بند رکھنے کی منظوری دی۔ فیصل آباد میں موبائل سروس صبح 6 سے رات 12 بجے تک بند رہے گی۔
آٹے کی قلت، تندور بھی بند ہونے کا خدشہ
پولیس حکام کی جانب سے 7 محرم الحرام کو موبائل سروس بند کرنے کی استدعا کی گئی تھی۔ دوسری جانب بلوچستان کے صوبائی محکمہ داخلہ کے مطابق کوئٹہ میں 7 محرم الحرام کو موبائل سروس بند رہے گی۔
محکمہ داخلہ کے حکام کا کہنا ہے کہ کوئٹہ میں 7 اور 10 محرم الحرام کو صبح 6 سے رات 12 بجے تک موبائل اور انٹر نیٹ سروس بند رہے گی جبکہ کچھی،جھل مگسی جعفرآباد اور اوستہ محمد میں 9 اور 10 محر م کو موبائل سروس بند ہو گی۔