وزیراعظم شہباز شریف کی طرف سے سابق امریکی صدر ڈونلڈ ٹرمپ پر حملے کی مذمت اور واقعے پر افسوس کا اظہار کیا گیا ہے۔
انہوں نے اپنے ایک بیان میں ڈونلڈ ٹرمپ اور دیگر زخمی ہونے والے افراد کی جلد صحت یابی کے لیے دعا کرتے ہوئے کہا ہے کہ سیاسی عمل میں ہر قسم کا تشدد قابل مذمت ہے۔
شہباز شریف کا کہنا تھا کہ اس مشکل وقت میں ہماری ہمدردیاں اور نیک خواہشات ڈونلڈ ٹرمپ کے خاندان کے ساتھ ہیں۔
حملے میں ڈونلڈ ٹرمپ کے محفوظ ہونے پر خوشی ، تشدد کی گنجائش نہیں ، جوبائیڈن
اس حوالے سے دنیا بھر سے وزرائے اعظم اور صدور کی جانب سے ڈونلڈ ٹرمپ پر فائرنگ کے واقعے کی مذمت کی جارہی ہے۔
خیال رہے کہ سابق امریکی صدر ڈونلڈ ٹرمپ گزشتہ روز پنسلوینیا کے علاقے بٹلر میں ریلی کے شرکا سے خطاب کے لیے اسٹیج پر موجود تھے۔ انہوں نے جیسے ہی شرکا سے خطاب شروع کیا تو اس دوران فائرنگ ہوئی۔
پولیس نے بتایا ہے کہ ریلی پر 6 گولیاں فائر کی گئیں جس سے ڈونلڈ ٹرمپ زخمی ہو گئے۔