"گزشتہ دنوں بحیرۂ عرب میں بننے والا طوفان ڈپریشن میں تبدیل ہوا لیکن جیسا کہ ہم پہلے کہہ چکے تھے یہ عمان کی جانب چلا جائے گا تو کل آدھی رات طوفان لو پریشر میں تبدیل ہو کر عمان کی جانب بڑھ گیا جس کی وجہ سے وہاں بارشیں ہوئیں"
یہ کہنا ہے چیف میٹرولوجسٹ سردار سرفراز کا جنھوں نے کراچی کے موسم اور سردی کی آمد کے متعلق گفتگو کی.
سردار سرفراز کا کہنا تھا کہ طوفان کی وجہ سے کراچی میں پچھلے ہفتے گرمی رہی لیکن آج سے سمندری ہوئیں چلنا شروع ہوجائیں گی اور 4،5 دن تک موسم بہتر رہے گا. جبکہ اس کے بعد ایک اور طوفان بحیرہ عرب میں داخل ہوگا اور 19 سے 22 اکتوبر تک دوبارہ گرمی بڑھے گی.
جبکہ سردی کے متعلق ان کا کہنا تھا کہ نومبر کی 10 تاریخ کے بعد ہی کراچی میں رات اور صبح کے وقت خنکی محسوس کی جاسکے گی البتہ اب موسم گرم نہیں ہوگا.