لاہور: امیر جماعت اسلامی پاکستان حافظ نعیم الرحمان نے کہا کہ کشمیریوں کا مقدمہ دنیا بھر میں لڑیں گے۔
امیر جماعت اسلامی پاکستان حافظ نعیم الرحمان نے میڈیا سے گفتگو کرتے ہوئے کہا کہ شہدا کے خون سے فلسطین ایک دن ضرور آزاد ہو گا۔ قائدین کی قربانیوں سے نئی صبح کا آغاز ہو گیا ہے۔
انہوں نے کہا کہ اسرائیلی بربریت سے ہزاروں فلسطینی شہید ہوچکے ہیں۔ پورے غزہ کو ملبے کا ڈھیر بنا دیا گیا ہے۔
یہ بھی پڑھیں: موجودہ حکومتیں ڈیڑھ دو ماہ کیلئے ہیں، جاوید ہاشمی
حافظ نعیم الرحمان نے کہا کہ 27 اکتوبر یوم سیاہ کے طور پر پوری دنیا میں منایا جاتا ہے۔ کیونکہ بھارت نے اس دن کشمیر میں اپنی افواج کو اتارا۔ کشمریوں کو حق خودارادیت دیا جائے۔
انہوں نے کہا کہ ہماری مشینی زندگی ہوگئی ہے تاہم اس دور میں علم تربیت کے چراغ جلائے جا رہے ہیں۔ وہ انقلاب سوچ و فکر نظام کی تبدیلی کا ہے اس جدوجہد کے نتیجے میں ہمیں اللہ جنت دے دے۔