اسے کھانے والوں کا کیا حال ہوتا ہوگا۔۔ شادی میں مرچی کا حلوہ رکھ دیا! دلچسپ ویڈیو پر صارفین کے تبصرے

بھارت میں شادی کی تقریب میں ایک منفرد اور غیر متوقع ڈش ’مرچی کا حلوہ‘ نے مہمانوں کو حیرت میں ڈال دیا، اور اس کی ویڈیو سوشل میڈیا پر وائرل ہوگئی۔ جہاں شادیوں میں عام طور پر میٹھے پکوانوں سے تواضع کی جاتی ہے، وہاں اس عجیب و غریب حلوے نے محفل کا رخ بدل دیا۔

ویڈیو میں دکھایا گیا کہ سبز رنگ کا حلوہ مرچوں سے سجا ہوا ہے اور اس پر چاندی کا ورق چمک رہا ہے۔ اس کے ساتھ جلیبی اور گلاب جامن بھی رکھے گئے ہیں۔ بالا ملک نامی شخص نے اس ویڈیو کو انسٹاگرام پر شیئر کیا، جو دیکھتے ہی دیکھتے ایک ملین ویوز کے ساتھ وائرل ہو گئی۔

سوشل میڈیا پر صارفین اس انوکھے پکوان پر حیرت کا اظہار کر رہے ہیں۔ کچھ لوگ تو یہ سوچ کر تعجب میں ہیں کہ "مرچی کا حلوہ؟" اور بعض تو اسے چکھنے کی خواہش کا اظہار بھی کر رہے ہیں۔

یہ ویڈیو اس بات کی عکاسی کرتی ہے کہ کس طرح غیر روایتی اور نیاپن شادی کی تقریبات کو مزید دلچسپ بنا دیتا ہے اور سوشل میڈیا پر ایک نیا ٹرینڈ شروع کرتا ہے!