جمعیت علمائے اسلام نے مدارس رجسٹریشن ترمیمی بل کے حوالے سے خیبر پختونخوا میں قانون سازی کے لئے پی ٹی آئی سے مدد مانگ لی۔
تحریک انصاف کے رہنما اسد قیصر اور جے یوآئی ف کے سینیٹر کامران مرتضیٰ کے درمیان ملاقات میں سیاسی صورتحال اور مدارس رجسٹریشن ترمیمی بل سے پیدا شدہ صورتحال پر مشاورت کی گئی۔
مدارس بل ایکٹ بننے سےعالمی پابندیوں کا خدشہ، صدر کے اعتراضات سامنے آگئے
ملاقات میں سیاسی امور پر دوطرفہ سیاسی تعاون کے حوالے سے بھی گفتگو ہوئی، اسد قیصر نے کہا کہ ہم مدارس کے مسئلہ پر جے یو آئی کی کیا مدد کرسکتے ہیں۔
کامران مرتضیٰ نے کہا کہ پی ٹی آئی دینی مدارس سے متعلق خیبر پختونخوا اسمبلی بھی قانون سازی کرے، مرکز سے منظور ہونے والے بل کا دائرہ کار صرف اسلام آباد تک ہو گا۔