وزیراعظم کے مشیر برائے قانون وانصاف بیرسٹرعقیل ملک نے کہا ہے کہ پہلے کہا جارہا تھا کہ یہ جعلی حکومت ہے،ان کے پاس مینڈیٹ نہیں، بالآخر اسی حکومت سے مذاکرات کی بازگشت چل رہی ہے۔
ہم نیوز کے پروگرام “پاکستان ٹونائٹ” میں بیرسٹرعقیل ملک نے گفتگو کرتے ہوئے کہا کہ تمام ترمسائل کا واحد حل مذاکرات ہی ہیں، اس طرف سے ٹھنڈی ہواؤں کا جھونکا آیا ہے۔
وزیراعظم نے ہمارے موقف کا مثبت جواب دیا،مولانا فضل الرحمان
انہوں نے کہا کہ دو تین چیزیں دیکھنی والی ہیں،ایک دم طبیعت میں تبدیلی کیوں آئی،اچھی بات ہے کہ ان کی طبیعت میں تبدیلی آچکی ہے۔
انہوں نے کہا مزید کہ پی ٹی آئی نے سول نافرمانی کی کال اتوار تک کیلئے مؤخر کر دی ہے، کال غیر معینہ مدت کیلئے ملتوی کی جاتی تو اچھی بات تھی، حکومت مذاکرات کیلئے پہلے بھی سنجیدہ تھی اوراب بھی ہے۔