ایران کی جانب سے اسرائیل پر کیے جانے والے تازہ حملوں کے بعد اسرائیلی وزیراعظم
نیتن یاہو کا کہنا ہے کہ ایرانی عوام کے پاس ایرانی حکومت کے خلاف اٹھ کھڑے ہونے کا
یہ بہترین موقع ہے۔
نیتن یاہو نے کہا کہ ایرانی حکومت کو خمیازہ بھگتنا ہوگا، میں اور اسرائیلی عوام
ایرانی عوام کے ساتھ ہیں۔
وائٹ ہاؤس عہدیدار کا کہنا ہے کہ ٹرمپ اور نیتن یاہو کے درمیان جمعے کو اسرائیل
ایران تنازع پر بات ہوئی ہے۔
دوسری جانب اسرائیلی وزیر دفاع کا اپنے بیان میں کہنا ہے کہ شہری علاقوں پر میزائل
داغ کر ایران نے سرخ لکیر پامال کی ہے۔
اسرائیلی حکام کا بتانا ہے کہ ایرانی حملے میں 21 اسرائیلی زخمی ہوئے ہیں۔