کوئٹہ میں پولیس پر دستی بم حملوں کے دو الگ واقعات پیش آئے۔ پہلے واقعے میں، نیو سریاب تھانہ کی حدود سبی روڈ کلی زرین میں نامعلوم ملزمان نے پولیس کی گاڑی کو نشانہ بنایا۔ دھماکے کے نتیجے میں ایک راہ گیر موقع پر جاں بحق جبکہ دوسرا زخمی ہوگیا۔
دوسرے واقعے میں، سبزل روڈ پر بلوچستان یونیورسٹی کے سامنے پولیس کی گاڑی پر دستی بم حملہ کیا گیا۔ تاہم دستی بم پھٹ نہ سکا۔ پولیس نے فوری طور پر علاقے کو گھیرے میں لے کر ٹریفک کے لیے سڑک بند کردی اور بم ناکارہ بنانے کے لیے بم ڈسپوزل اسکواڈ کو طلب کر لیا۔