اسلام آباد میں نجی ہاؤسنگ سوسائٹی میں پولیس نے چھاپہ مار کر شراب فروخت کرنے والے شخص کو گرفتار کر لیا۔
عینی شاہدین کا کہنا ہے کہ جب پولیس ملزم کو لے جا رہی تھی تو مقامی لوگوں نے اہلکاروں کا گھیراؤ کر لیا اور گرفتار شخص کو چھڑانے کی کوشش کی۔ اس دوران شہریوں اور پولیس کے درمیان تلخ کلامی اور دھکم پیل بھی ہوئی۔
صورتحال سنگین ہونے پر تھانہ لوہی بھیر سے مزید پولیس موقع پر پہنچ گئی اور ملزم کو تھانے منتقل کر دیا گیا۔
پولیس حکام نے کہا ہے کہ علاقے میں منشیات اور غیر قانونی سرگرمیوں کے خلاف کارروائی جاری رہے گی اور کسی کو قانون ہاتھ میں لینے کی اجازت نہیں دی جائے گی۔