پاکستان تحریک انصاف کی سوشل میڈیا ایکٹوسٹ فلک جاوید خان کو اسلام آباد کے سیکٹر ایف-10 سے گرفتار کر لیا گیا۔
فلک جاوید کی گرفتاری کے بعد ان کے والد جاوید اقبال نے اسلام آباد ہائی کورٹ سے رجوع کر لیا ہے۔ دائر درخواست میں مؤقف اختیار کیا گیا کہ نامعلوم افراد نے فلک جاوید کو حراست میں لیا جس کے بعد ان کا کسی سے کوئی رابطہ نہیں ہو سکا۔
درخواست میں عدالت سے استدعا کی گئی ہے کہ فلک جاوید کو بازیاب کر کے عدالت میں پیش کیا جائے ان کے خلاف درج مقدمات کی تفصیلات فراہم کی جائیں۔