کراچی کی سڑکوں پر دندناتی ہیوی گاڑیوں کی لاپروائی سے ہونے والے حادثات کاسلسلہ تھم نا سکا، ڈیفنس موڑ سگنل کے قریب خوفناک حادثہ پیش آیا جہاں بے قابو آئل ٹینکر نے 6 گاڑیوں، ایک رکشے اور موٹر سائیکل کو ٹکر مار دی۔ حادثے میں خواتین اور ایک بچی سمیت 5 افراد زخمی ہوگئے۔
پولیس اور ریسکیو حکام کے مطابق ٹینکر پنجاب چورنگی کی جانب سے آ رہا تھا کہ اچانک بے قابو ہو کر گاڑیوں پر چڑھ دوڑا جس کے نتیجے میں گاڑیوں کو شدید نقصان پہنچا۔
زخمی ہونے والوں کو فوری طور پر جناح اسپتال منتقل کیا گیا۔ زخمیوں میں 2 خواتین اور ایک بچی بھی شامل ہیں۔