مصر کے شہر شرم الشیخ میں ہونے والے غزہ امن اجلاس کے دوران امریکی صدر ڈونلڈ ٹرمپ ایک بار پھر توجہ کا مرکز بن گئے جب انہوں نے اطالوی وزیراعظم جارجیا میلونی کی تعریف میں دلچسپ الفاظ کہے جس کی ویڈیو سوشل میڈیا پر وائرل ہوگئی۔
ٹرمپ نے اپنے خطاب میں کہا ہمارے پاس ایک خاتون ہیں امریکا میں مجھے یہ کہنے کی اجازت نہیں کیونکہ یہ الفاظ آپ کے سیاسی کیریئر کا اختتام ہوسکتے ہیں لیکن میں پھر بھی چانس لوں گا اور کہوں گا کہ وہ ایک نوجوان خوبصورت خاتون ہیں۔
اسی دوران ٹرمپ نے مسکراتے ہوئے اطالوی وزیراعظم کو تلاش کرتے ہوئے پوچھا وہ کہاں ہیں؟ اور جارجیا میلونی ٹرمپ کے پیچھے کھڑی مسکراتی رہیں تو ٹرمپ نے مڑ کر کہا اگر آپ کو خوبصورت کہا جائے تو آپ کو اعتراض تو نہیں؟ کیونکہ آپ خوبصورت ہیں۔
بعد ازاں ٹرمپ نے میلونی کی سیاسی کارکردگی کی تعریف کرتے ہوئے کہا کہ وہ ایک بے حد کامیاب سیاستدان ہیں ہم ان کی یہاں موجودگی کا احترام کرتے ہیں اور ان کی آمد پر شکر گزار ہیں۔