پاک افغان فائر بندی کے بعد جھڑپوں کا سلسلہ تھم گیا، تاہم طورخم تجارتی گزرگاہ آج 5 ویں روز بھی بند رہی، جس کی وجہ سے گاڑیوں کی قطاریں لگ گئیں۔
گزشتہ روز فائر بندی کے بعد افغان فورسز کے درمیان 4 روز جاری جھڑپوں کا سلسلہ تھم گیا، دونوں ممالک کے درمیان آئندہ 48 گھنٹوں کے لیے فائر بندی ہوئی ہے، جس کے باوجود سرحد پر کشیدگی برقرار ہے۔
سیکیورٹی ذرائع کے مطابق طورخم تجارتی گزرگاہ آج 5 ویں روز بھی بند ہے، تجارتی گزرگاہ بند ہونے سے کارگو گاڑیوں سمیت پیدل آمد ورفت بھی معطل ہے، جبکہ دوسری طرف بارڈر کی بندش کے باعث پاک افغان شاہراہ پر گاڑیوں کی لمبی قطاریں لگ گئیں۔
ذرائع کا کہنا ہے کہ طورخم تجارتی گزرگاہ سے یومیہ اوسطاً 2 ہزار تک کارگو گاڑیوں کی آمد ورفت ہوتی ہے، یومیہ اوسطاً 10 ہزار افراد آمد ورفت کرتے ہیں، جبکہ بارڈر بندش سے دونوں جانب ہزاروں مال بردار گاڑیاں پھنس گئی ہیں۔