افغانستان کے اسٹار کرکٹر راشد خان کی دوسری شادی کی خبر سامنے آنے کے بعد سوشل میڈیا پر صارفین کے درمیان نئی بحث چھڑ گئی ہے۔
راشد خان نیدرلینڈز میں چیئریٹی فاؤنڈیشن کے افتتاح کے موقع پر ایک خاتون کے ساتھ دیکھے گئے جس کے بعد قیاس آرائیوں کا سلسلہ شروع ہوا۔ تاہم بعد ازاں کرکٹر نے واضح کیا کہ یہ خاتون ان کی دوسری اہلیہ ہیں اور دونوں کی شادی 2 اگست 2025 کو ہوئی تھی۔
راشد خان نے اپنی انسٹاگرام پوسٹ میں بتایا کہ انہوں نے دوسرے نکاح کے ساتھ اپنی زندگی کا نیا باب شروع کیا ہے اور ان کی دوسری اہلیہ وہ خصوصیات رکھتی ہیں جو وہ ہمیشہ چاہتے تھے۔
اگرچہ راشد خان نے اپنی اہلیہ کی شناخت ظاہر نہیں کی لیکن سوشل میڈیا صارفین نے ان کے نکاح کی مبینہ تصاویر شیئر کرنا شروع کر دی ہیں۔
واضح رہے کہ راشد خان کی پہلی شادی 3 اکتوبر 2024 کو کابل میں ہوئی تھی۔