ایشیا کپ رائزنگ اسٹار ٹورنامنٹ میں پاکستان نے عمان کو آج دوحہ میں 40 رنز سے شکست دے دی۔
پاکستان کی طرف سے معاذ صداقت نے شاندار اننگز کھیلتے ہوئے 96 ناٹ آؤٹ کیے، جس میں پانچ چوکے اور نو چھکے شامل تھے، جبکہ کپتان محمد عرفان خان نے پانچ چھکے لگا کر 44 رنز کیے۔
فاسٹ بالر عبید شاہ جو نسیم شاہ کے چھوٹے بھائی ہیں انہوں نے بھی تین وکٹیں حاصل کیں۔
عمان نے پاکستان کو پہلے بیٹنگ کی دعوت دی اور اب پاکستان شاہین نے 20 اوور میں چار وکٹوں پر 220 رنز بنا ڈالے۔ عمان کی ٹیم 20 اوورز میں 9 وکٹس پر 180 رنز کر پائی جس میں زکریا اسلام کے 57 رنز شامل ہیں۔
معاذ صداقت اور سعد مسعود نے دو دو وکٹس حاصل کیں۔ پاکستان ٹیم اپنا اگلا میچ بھارت سے 16 نومبر کو کھیلے گی۔