مراکش کے شمال مشرقی شہر فاس میں دو چار منزلہ جڑی ہوئی عمارتیں اچانک منہدم ہو گئیں جس کے نتیجے میں کم از کم 19 افراد ہلاک اور 16 زخمی ہوگئے۔ متاثرہ عمارات میں آٹھ خاندان مقیم تھے اور یہ المستقبل کے علاقے میں واقع تھیں۔
حادثے کے بعد مقامی حکام، سکیورٹی سروسز اور امدادی ٹیموں نے فوری طور پر سرچ اور ریسکیو آپریشن شروع کیا۔ زخمیوں کو فاس کے مقامی اسپتال منتقل کیا گیا جبکہ ملبے تلے افراد کی تلاش جاری ہے۔
مقامی حکام نے ابھی تک عمارت کے گرنے کی اصل وجہ بتانے سے گریز کیا ہے اور تحقیقات جاری ہیں۔