محکمہ موسمیات نے کراچی میں 15 دسمبر سے سردی میں اضافے کی پیشگوئی کردی۔ محکمہ موسمیات کے مطابق آج شہر میں دن کا موسم خشک رہے گا جبکہ رات میں سردی کا امکان ہے۔ تاہم 15 دسمبر سے سردی کی شدت میں نمایاں اضافہ متوقع ہے۔
آج شہر کا زیادہ سے زیادہ درجہ حرارت 31 ڈگری سینٹی گریڈ تک جانے کا امکان ہے اور شمال مشرقی ہوائیں 9 کلومیٹر فی گھنٹہ کی رفتار سے چل رہی ہیں۔
ہوا میں نمی کا تناسب 93 فیصد ریکارڈ کیا گیا ہے جس کے باعث فضا میں ہلکی دھند چھائی ہوئی ہے۔ محکمہ موسمیات نے شہریوں کو مشورہ دیا ہے کہ سردی کے بڑھتے اثرات کے پیش نظر حفاظتی اقدامات کریں۔