بنگلا دیش کی سابق وزیراعظم خالدہ ضیاء کی صحت تشویشناک ہونے کے باعث انہیں وینٹی لیٹر پر منتقل کر دیا گیا ہے۔
میڈیکل بورڈ کے مطابق 80 سالہ خالدہ ضیاء سانس کی شدید قلت اور متعدد طبی پیچیدگیوں میں مبتلا ہیں۔ ان کے گردے ناکارہ ہو چکے ہیں اور انہیں باقاعدہ ڈائیلاسز کی ضرورت ہے۔ ڈاکٹرز نے بتایا کہ ان کے خون میں آکسیجن کی کمی اور کاربن ڈائی آکسائیڈ کی سطح بڑھ رہی ہے جس کی وجہ سے انہیں وینٹی لیٹر پر منتقل کرنا ضروری تھا تاکہ پھیپھڑوں اور دیگر اہم اعضاء کو سپورٹ مل سکے۔
خالدہ ضیاء 23 نومبر سے دل اور پھیپھڑوں کے انفیکشن کے باعث اسپتال میں زیرِ علاج ہیں، ڈاکٹرز کی ملکی و بین الاقوامی ٹیم روزانہ ان کا علاج اور جائزہ لے رہی ہے۔