ٹھٹھہ کے ڈی اے موری کے قریب دو بھائی آپس میں لڑ پڑے اور ایک دوسرے پر فائرنگ کردی، جس سے دونوں ہلاک ہوگئے۔
بتایا جاتا ہے کہ کے ڈی اے نہر کے پاس بیلیچا برادری کے دو سگے بھائی معمولی تکرار پر لڑ پڑے اور مشتعل ہو کر ایک دوسرے پر فائرنگ کردی جس کے نتیجے میں بڑا بھائی نصیر بیلیچو موقع پر ہی ہلاک ہوگیا۔
چھوٹے بھائی لدھو بیلیچو کو شدید زخمی حالت میں سول اسپتال مکلی منتقل کیا گیا جہاں وہ بھی زخموں کی تاب نہ لاتے ہوئے چل بسا، لاشیں سول اسپتال مکلی منتقل کرکے ضابطے کی کارروائی کے بعد ورثاء کے حوالے کردی گئیں۔