خیبر پختونخوا جوڈیشل سروس رولز میں ترمیم کرتے ہوئے سول جج کے لیے 2 سالہ وکالت کی شرط ختم کردی گئی۔
صوبائی محکمہ قانون کی جانب سے جاری نوٹیفیکیشن کے مطابق وزیراعلیٰ خیبر پختونخوا کی ہدایت پر جوڈیشل سروس رولز میں ترامیم کی گئیں۔
نوٹیفکیشن میں کہا گیا کہ جوڈیشل سروس رول 5 میں سینیارٹی کم فٹنس کی بنیاد ختم کردی گئی اور میرٹ پر سلیکشن ہوگی جبکہ ترقی ڈیپارٹمنٹل پروموشن کمیٹی کی سفارش پرکی جائے گی۔ بی پی ایس 19 سے 21 میں ریگولر ترقی سروس مکمل کیے بغیر نہیں ہوسکے گی۔ ترقی کے لیے تربیت مکمل کرنا اور امتحان پاس کرنا لازمی قرار دیا گیا ہے۔
دوسری جانب خیبر پختونخوا بار کونسل نے کہا ہے کہ سول ججز کی تعیناتی کے نئے طریقہ کار کو مسترد کرتے ہیں، حکومت بغیر تجربے کے ججز کی تعیناتی کا فیصلہ واپس لے۔