نوجوان تاجر میر رضا کی موت کا معمہ حل کرنے کے لیے قبر کشائی کے بعد لاش کے پوسٹ مارٹم سے متعلق تمام کارروائی مکمل کرلی گئی۔
میڈیکل بورڈ کے رکن کے مطابق میر رضا کی لاش سے مختلف نمونے حاصل کیے گئے ہیں جنہیں کیمیائی تجزیے کے لیے بھیجا جائے گا جبکہ قانونی کارروائی جاری ہے۔
میر رضا کے والد میر حسین نے قبر کشائی کی کارروائی پر اطمینان کا اظہار کرتے ہوئے کہا کہ دعا ہے اس بار پوسٹ مارٹم میں پہلے جیسا کچھ نہ ہو، جو بھی رپورٹ آئے گی اسے تسلیم کریں گے۔
انہوں نے کہا کہ بیٹے سے منسوب ایک آڈیو سوشل میڈیا پر چل رہی ہے جو میر رضا کی نہیں، کیس کو خراب کرنے کے لیے یہ سب کیا جا رہا ہے۔
واضح رہے کہ اہلخانہ نے پہلے 5 رکنی میڈیکل بورڈ مسترد کردیا تھا، جس کے بعد حکومت نے سابق میڈیکل بورڈ بحال کیا تھا۔