سینیٹر عابد شیر علی نے پی ٹی آئی کی قیادت پر شدید تنقید کرتے ہوئے کہا ہے کہ انہیں ابھی تک یہ معلوم نہیں کہ جیل کسے کہتے ہیں۔ ان کا کہنا تھا کہ ہمیں چھ چھ ماہ سورج دیکھنے کو نہیں ملتا تھا اور سخت حالات میں قید کاٹنی پڑی۔
سینیٹر عابد شیر علی نے کہا کہ جیل صرف نام کی نہیں بلکہ وہاں شدید مشکلات اور اذیتوں کا سامنا کرنا پڑتا ہے۔ انہوں نے طنزیہ انداز میں کہا کہ اگر کسی کو جیل کی حقیقت جاننی ہے تو اسے سبی جیل میں ڈال کر ہتھکڑی لگا کر یا اٹک جیل کی چار دیواری میں رکھا جائے، تب اندازہ ہوگا کہ قید کی سختیاں کیا ہوتی ہیں۔
انہوں نے مزید کہا کہ پی ٹی آئی قیادت کو بیانات دینے کے بجائے حقائق کا سامنا کرنا چاہیے اور جیل کی مشکلات کو سمجھنا چاہیے۔