کراچی کے مشہور ریسٹورنٹ میں پیش آنے والا ایک افسوسناک واقعہ سوشل میڈیا پر وائرل ہو گیا جس نے صارفین میں تشویش اور غصہ پیدا کر دیا ہے۔ واقعے کے مطابق ایک خاندان والد کی سالگرہ منانے کے لیے ریسٹورنٹ آیا تھا لیکن خوشگوار لمحے خوف اور بدامنی میں بدل گئے۔
ویڈیو میں دیکھا جا سکتا ہے کہ ریسٹورنٹ کے عملے نے صارفین، جن میں خواتین بھی شامل تھیں کے ساتھ بدسلوکی کی اور ایک ویٹر نے ایک صارف کے سر پر پلیٹ دے ماری جس کے نتیجے میں اس کے سر کے پچھلے حصے سے خون بہنے لگا۔ اگر پلیٹ سر یا آنکھ پر لگتی تو یہ واقعہ جان لیوا بھی ثابت ہو سکتا تھا۔
ویڈیو میں ریسٹورنٹ انتظامیہ اور منیجر کو بھی صارفین کو دھکے دیتے اور بدسلوکی کرتے دیکھا جا سکتا ہے جبکہ وہ صورتحال قابو میں لانے میں ناکام رہے۔
متاثرہ خاندان کا کہنا ہے کہ جسمانی تشدد کسی بھی صورت میں قابل قبول نہیں اور یہ ریسٹورنٹ کے پیشہ ورانہ رویے اور عوامی اعتماد کی کھلی خلاف ورزی ہے۔