ملک بھر میں ایک بار پھر سونے کی قیمت میں نمایاں اضافہ دیکھنے میں آیا ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 1300 روپے کا اضافہ ہوا ہے جس کے بعد فی تولہ سونا 4 لاکھ 56 ہزار 162 روپے کا ہو گیا ہے۔
ایسوسی ایشن کے مطابق 10 گرام سونا 1115 روپے مہنگا ہو کر 3 لاکھ 91 ہزار 85 روپے پر فروخت ہو رہا ہے۔ دوسری جانب عالمی منڈی میں سونے کی قیمت 13 ڈالر اضافے کے بعد 4,338 ڈالر فی اونس تک پہنچ گئی ہے۔
واضح رہے کہ گزشتہ روز ملک بھر میں فی تولہ سونے کی قیمت میں 900 روپے کی کمی دیکھی گئی تھی۔