بھارت میں ایک حیران کن اور دلچسپ واقعہ سامنے آیا جہاں نشے میں دھت رکشہ ڈرائیور نے ٹریفک پولیس کو مردہ سانپ دکھا کر ڈرانے کی کوشش کی۔ یہ عجیب و غریب واقعہ سوشل میڈیا پر وائرل ہو گیا ہے۔
رپورٹس کے مطابق ڈرائیور کو معمولی چیکنگ کے دوران روکا گیا تو اس نے رکشہ فوراً واپس لینے کا مطالبہ کیا اور اہلکاروں کو ڈرانے کے لیے مردہ سانپ ساتھ لے آیا۔ وائرل ویڈیو میں دیکھا جا سکتا ہے کہ ڈرائیور سانپ کو پولیس اہلکار کے قریب لے جا رہا ہے، جس پر اہلکار خوف کے مارے پیچھے ہٹنے پر مجبور ہیں۔
بعد ازاں پولیس نے ویڈیو جاری کی، جس میں ڈرائیور اپنی حرکت پر معافی مانگ رہا ہے اور کہہ رہا ہے کہ ہمیں پولیس اہلکاروں کی عزت کرنی چاہیے۔
سوشل میڈیا صارفین نے اس ویڈیو پر دلچسپ تبصرے کیے، جن میں ایک نے لکھا ناگ راج اور دوسرے نے کہا کہ یہ تو سپر ولن بن گیا۔