بھارت میں ایک شہری سانپ کے ڈسنے کے بعد اسے جیکٹ میں رکھ کر اسپتال پہنچ گیا، جس کی ویڈیو سوشل میڈیا پر وائرل ہو گئی۔
بھارتی میڈیا کے مطابق متھرا کے ای رکشہ ڈرائیور 39 سالہ دیپک نے تقریباً 1.5 فٹ لمبا سانپ اپنی جیکٹ میں چھپایا اور ضلعی اسپتال پہنچ کر بتایا کہ سانپ نے اسے ڈس لیا ہے۔ دیپک نے سانپ کو جیکٹ سے نکال کر دکھایا اور پھر دوبارہ جیکٹ میں بند کر دیا۔
مریض نے بتایا کہ وہ تقریباً 30 منٹ اسپتال میں رہا لیکن کوئی طبی امداد فراہم نہیں کی گئی۔ چیف میڈیکل سپرنٹنڈنٹ نیرج اگروال نے کہا کہ سانپ کو باہر رکھا جائے کیونکہ یہ دیگر مریضوں کے لیے خطرہ بن سکتا ہے۔ بعد ازاں پولیس کو اطلاع دی گئی اور اہلکار سانپ کو اپنے ساتھ لے گئے۔