وفاقی وزیر اطلاعات و نشریات عطاء اللہ تارڑ نے یونیورسٹی آف لندن کے وفد کے اعزاز میں منعقدہ تقریب سے خطاب کرتے ہوئے کہا کہ اس معزز اجتماع سے خطاب ان کے لیے باعثِ افتخار ہے۔
وزیر اطلاعات نے یونیورسٹی آف لندن کے پاکستان میں تعلیمی شعبے کے ساتھ تعلق اور تعاون کو سراہا اور کہا کہ یہ تعلیمی تعلق وقت کے ساتھ مزید مضبوط اور مؤثر ہوتا جا رہا ہے۔ انہوں نے یونیورسٹی کے اقدامات، جدت اور نئے تعلیمی ماڈیولز متعارف کرانے کو پاکستان میں تعلیمی معیار کی بہتری میں اہم قرار دیا۔
عطاء اللہ تارڑ نے کہا کہ یونیورسٹی آف لندن کے پروگرامز نہ صرف پاکستان بلکہ دنیا بھر میں اپنی پہچان رکھتے ہیں اور تحقیق و ترقی پر بھرپور توجہ دی جا رہی ہے۔ انہوں نے آؤٹ ریچ پروگرامز کو تعلیم کے فروغ میں اہم قرار دیتے ہوئے کہا کہ مستقبل میں تعلیمی تعاون کے نئے مواقع پیدا ہوں گے۔