سیکیورٹی فورسز نے خفیہ اطلاعات کی بنیاد پر قلات میں دہشتگردوں کے خلاف کامیاب آپریشن کرتے ہوئے بھارتی پراکسی تنظیم فتنہ الہندوستان کے 4 دہشتگردوں کو ہلاک کر دیا۔
آئی ایس پی آر کے مطابق کارروائی کے دوران دہشتگردوں کے قبضے سے اسلحہ اور بھاری مقدار میں گولہ بارود بھی برآمد کیا گیا۔ سیکیورٹی فورسز نے علاقے کو کلیئر قرار دیتے ہوئے کسی بھی ممکنہ خطرے کے پیش نظر سرچ آپریشن جاری رکھا ہوا ہے۔
دوسری جانب وزیراعظم شہباز شریف نے قلات میں کامیاب آپریشن پر سیکیورٹی فورسز کو خراجِ تحسین پیش کیا اور کہا کہ ملک سے دہشتگردی کے مکمل خاتمے تک کارروائیاں جاری رہیں گی۔