پاکستان انٹرنیشنل ایئرلائنز نے خلیجی ممالک میں سیکیورٹی صورتحال کے پیش نظر اہم فیصلہ کرتے ہوئے متحدہ عرب امارات کے لیے اپنی پروازوں کو محدود کر دیا ہے۔
ترجمان کے مطابق پی آئی اے نے آئندہ 48 گھنٹوں کے لیے یو اے ای کے شہر فجیرہ کی پروازیں معطل کر دی ہیں جبکہ العین کے سوا دیگر تمام شہروں کے لیے فلائٹ آپریشن بھی عارضی طور پر روک دیا گیا ہے۔
ایئرلائن حکام کا کہنا ہے کہ فی الحال صرف العین کے لیے پروازیں جاری رکھی جائیں گی جبکہ صورتحال کا مسلسل جائزہ لیا جا رہا ہے۔
ذرائع کے مطابق گزشتہ روز فجیرہ ایئرپورٹ پر موجود پی آئی اے کی دو پروازیں حملے کے دوران محفوظ رہیں جس کے بعد حفاظتی اقدامات مزید سخت کر دیے گئے ہیں۔