ایڈیشنل آئی جی کراچی آزاد خان کی ہدایات پر شہریوں پر سرکاری نمبر پلیٹس نصب کرنے کی مہم عارضی طور پر روک دی گئی ہے۔ ترجمان کراچی پولیس کے مطابق یہ فیصلہ متوقع بارشوں کے دوران شہریوں کو مشکلات سے بچانے کے لیے کیا گیا۔
کراچی پولیس کی جاری کارروائی میں پرائیویٹ، فینسی اور غیر منظور شدہ نمبر پلیٹس کے خلاف کریک ڈاؤن وقتی طور پر معطل ہے۔
شہریوں کو ہدایت کی گئی ہے کہ اس دوران اپنی گاڑیوں پر صرف سرکاری منظور شدہ نمبر پلیٹس استعمال کریں اور اپنی نمبر پلیٹس درست کروائیں تاکہ آئندہ قانونی کارروائی سے بچا جا سکے۔
ترجمان کراچی پولیس نے کہا کہ شہریوں کے تعاون اور قانون کی عملداری کے لیے پولیس پرعزم ہے۔