حوثی ملیشیا نے مدینہ منورہ میں طیبہ بجلی اسٹیشن کو ڈرون حملے کا نشانہ بنایا جس کے نتیجے میں ایک سروس ٹرانسفارمر بند ہوگیا۔
اتحادی افواج کے ترجمان بریگیڈیئر جنرل ترکی المالکی کے مطابق حملہ منگل کی صبح تقریباً 5 بج کر 15 منٹ پر کیا گیا۔ انہوں نے کہا کہ حملے کی منصوبہ بندی اور کارروائی میں حوثی ملیشیا کے ملوث ہونے کے شواہد مل گئے ہیں۔
ترجمان کے مطابق مسجد نبوی ﷺ کو بجلی کی فراہمی کے لیے متبادل انتظام موجود ہے۔ انہوں نے حملے کو مقدس مقامات کو نشانہ بنانے کی کوشش قرار دیتے ہوئے کہا کہ حرمین شریفین کے تحفظ اور زائرین کی سلامتی کو ہر صورت یقینی بنایا جائے گا۔