پاکستان نے اپنے غیر ملکی قرضوں کی ادائیگی میں بروقت اقدام کرتے ہوئے ایک ارب 43 کروڑ ڈالر کی رقم ادا کر دی ہے۔
وزیر خزانہ کے مشیر خرم شہزاد نے ایکس پر اپنے پیغام میں تصدیق کی کہ 8 اپریل کو واجب الادا ایک ارب 30 کروڑ ڈالر کا یورو بانڈ مکمل طور پر ادا کر دیا گیا۔
اس کے علاوہ دیگر یورو بانڈز پر 12 کروڑ 60 لاکھ ڈالر سے زائد سود کی ادائیگی بھی کی گئی، جس سے مجموعی رقم تقریباً ایک ارب 43 کروڑ ڈالر تک پہنچی۔
ماہرین کے مطابق یہ اقدام ملکی معیشت کے لیے مثبت اشارہ ہے اور بین الاقوامی مالیاتی اداروں کے اعتماد میں اضافہ کرے گا۔
اس اقدام سے پاکستان کی مالی ساکھ مستحکم ہونے کے ساتھ ساتھ مستقبل میں غیر ملکی سرمایہ کاری کے امکانات بھی بڑھ سکتے ہیں۔