پشاور میں شدید بارش کے بعد نشیبی علاقے ایک بار پھر ڈوب گئے۔ بڈھنی نالے میں طغیانی کے باعث چارسدہ روڈ، سردار کالونی، عباد اللہ آباد اور ملحقہ علاقوں میں پانی گھروں اور گلیوں میں داخل ہوگیا۔
ریسکیو ٹیمیں متاثرہ علاقوں میں لوگوں کو محفوظ مقامات پر منتقل کرنے کے لیے مصروف ہیں۔ کئی افراد کو کشتیوں کے ذریعے ریسکیو کیا جا رہا ہے۔
حکام نے شہریوں سے ہدایت کی ہے کہ وہ نقصان سے بچنے کے لیے احتیاطی تدابیر اختیار کریں اور متاثرہ علاقوں میں بلا ضرورت جانے سے گریز کریں۔