وفاقی وزیر احسن اقبال نے کہا ہے کہ آج پوری دنیا کی نظریں پاکستان پر مرکوز ہیں اور بھارت کو حسد کے بجائے پاکستان کا شکر گزار ہونا چاہیے۔
میڈیا سے گفتگو کرتے ہوئے انہوں نے کہا کہ جنگ نے عالمی معیشت کو شدید نقصان پہنچایا تاہم جنگ بندی کے لیے پاکستان کی کوششوں کو عالمی سطح پر سراہا جا رہا ہے۔
احسن اقبال کا کہنا تھا کہ پاکستان نے خطے کو تباہی سے بچایا اور آج اسلام آباد میں امریکا اور ایران کے وفود امن مذاکرات کے لیے موجود ہیں جو پاکستان کی سفارتی کامیابی ہے۔
انہوں نے کہا کہ یہ کامیابی وزیراعظم اور فیلڈ مارشل کی کوششوں کا نتیجہ ہے اور پاکستان کو عالمی سطح پر ایک اہم سفارتی مقام حاصل ہوا ہے۔
وفاقی وزیر نے مزید کہا کہ پاکستان نے نہ صرف خطے بلکہ دنیا کو ایک بڑے بحران سے بچانے میں کردار ادا کیا ہے اور آج ملک امن کے عمل میں مرکزی حیثیت رکھتا ہے۔