پاکستان نیشنل شپنگ کارپوریشن کے دو جہازوں، شالامار اور خیرپور کو آبنائے ہرمز پہنچنے کے بعد اچانک واپس بھیج دیا گیا ہے۔
ذرائع کے مطابق یہ دونوں جہاز پرسوں رات کویت اور متحدہ عرب امارات کے لیے روانہ ہوئے تھے، تاہم ناگزیر وجوہات کی بنا پر انہیں آبنائے ہرمز میں داخلے کے بعد آگے بڑھنے سے روک دیا گیا۔
جہازوں کے کپتانوں، کیپٹن آصف اور کیپٹن شاہین نے واپسی کے احکامات ملنے کے بعد جہازوں کا رخ خلیج عمان کی جانب موڑ دیا ہے۔
بتایا گیا ہے کہ ان جہازوں کو کویت اور یو اے ای سے کروڑوں لیٹر خام تیل لادنا تھا، مگر اب یہ جہاز ممکنہ طور پر فجیرا یا ینبوع کی بندرگاہوں کی جانب روانہ ہوسکتے ہیں۔