پاکستان اور ترکیہ کے درمیان مشترکہ کمانڈو اور اسپیشل فورسز کی مشق "جناح-XIII" ترکیہ کے شہروں انقرہ اور اصفیہ میں کامیابی کے ساتھ مکمل ہو گئی ہے۔
آئی ایس پی آر کے مطابق اس مشق میں دونوں ممالک کی افواج نے حصہ لیا جس کا بنیادی محور انسدادِ دہشت گردی آپریشنز، شہری علاقوں میں لڑائی اور دیسی ساختہ دھماکا خیز مواد (IEDs) کے خلاف مؤثر کارروائی کی تربیت حاصل کرنا تھا۔
فوجی حکام کا کہنا ہے کہ ان مشقوں کے دوران دونوں افواج نے اعلیٰ پیشہ ورانہ مہارت اور آپریشنل صلاحیتوں کا مظاہرہ کیا جس سے تمام عسکری و سفارتی اہداف حاصل کر لیے گئے۔
اس مشق کے کامیاب انعقاد سے پاکستان اور ترکیہ کے درمیان دفاعی تعاون اور اسٹریٹجک تعلقات میں مزید استحکام آیا ہے۔