پنجاب حکومت نے صوبے میں پلاسٹک تھیلوں کے استعمال کی حوصلہ شکنی اور اس کے خلاف کارروائی کا فیصلہ کیا ہے۔
رکن پنجاب اسمبلی کنول لیاقت نے کہا ہے کہ پلاسٹک تھیلوں کے استعمال کو کم کرنا ناگزیر ہو چکا ہے کیونکہ یہ ماحولیاتی آلودگی اور صحت کے مسائل خصوصاً کینسر کا باعث بن رہے ہیں۔
انہوں نے کہا کہ پلاسٹک کے متبادل کے طور پر سستے اور ماحول دوست کاغذی تھیلے دستیاب ہیں جن کے استعمال کو فروغ دیا جانا چاہیے۔
کنول لیاقت کے مطابق حکومت کا ہدف پنجاب کو مرحلہ وار پلاسٹک فری زون بنانا ہے تاکہ ماحولیاتی آلودگی میں کمی لائی جا سکے اور عوام میں ماحول دوست رویوں کو فروغ دیا جا سکے۔