حکومت نے پاور سیکٹر کے ملازمین کے لیے بجلی کے مفت یونٹس کی سہولت ختم کر دی ہے۔
وفاقی وزیر برائے پاور ڈویژن اویس لغاری نے لاہور ہائیکورٹ کے فیصلے کا خیر مقدم کرتے ہوئے کہا ہے کہ وزیراعظم شہباز شریف کی قیادت میں یہ اہم اصلاحاتی قدم اٹھایا گیا ہے۔
انہوں نے سوشل میڈیا پلیٹ فارم ایکس پر اپنے بیان میں کہا کہ پاور سیکٹر کے اہلکاروں کے لیے فری یونٹس کا خاتمہ عوام کا دیرینہ مطالبہ تھا جسے اب پورا کر دیا گیا ہے۔
اویس لغاری کے مطابق حکومت عوامی مفاد میں اصلاحات کا سلسلہ جاری رکھے گی اور ایسے تمام اقدامات کیے جائیں گے جو قومی بہتری کے لیے ضروری ہوں۔