پاکستان سے حج پروازوں کا آج سے باقاعدہ آغاز ہو گیا پہلی حج پرواز کراچی سے 160 عازمین کو لے کر روانہ ہوئی۔
نجی ایئرلائن کی اس پہلی پرواز کو گورنر سندھ نہال ہاشمی اور وزارت مذہبی امور کے اعلیٰ حکام نے الوداع کیا اور عازمین حج کو مبارکباد دی۔ حکام کے مطابق رواں سال کراچی ایئرپورٹ سے 31 ہزار سے زائد عازمین حج حجاز مقدس کے لیے روانہ ہوں گے۔
روڈ ٹو مکہ پراجیکٹ کے تحت سعودی حکام عازمین کی ون ٹائم امیگریشن کراچی ایئرپورٹ پر ہی مکمل کریں گے جس سے سعودی عرب پہنچنے پر وقت کی بچت ہوگی۔
دوسری جانب سعودی میڈیا کے مطابق مکہ روٹ انیشیٹیو میں شامل ممالک کی تعداد 10 ہو گئی ہے، جبکہ اس سال 10 ممالک کے 17 اسٹیشنز سے اس منصوبے پر عمل کیا جائے گا۔ مراکش، انڈونیشیا، ملائیشیا، پاکستان، بنگلادیش، ترکیہ، جمہوریہ آئیوری کوسٹ اور مالدیپ بھی اس منصوبے کا حصہ ہیں۔