امریکی ٹی وی سی این این نے ایرانی ذرائع کے حوالے سے دعویٰ کیا ہے کہ امریکا اور ایران کے درمیان مذاکرات کا دوسرا دور آئندہ پیر کو پاکستان میں منعقد ہوگا۔
رپورٹ کے مطابق امریکا کی جانب سے تاحال مذاکرات کے مجوزہ شیڈول کی باضابطہ تصدیق نہیں کی گئی۔
یاد رہے کہ دونوں ممالک کے درمیان مذاکرات کا پہلا دور اسلام آباد میں ہوا تھا، جس میں اعلیٰ سطحی وفود نے شرکت کی۔
امریکی وفد کی قیادت نائب امریکی صدر جے ڈی وینس نے کی جبکہ ان کے ہمراہ سابق امریکی صدر ڈونلڈ ٹرمپ کے داماد جیرڈ کشنر اور خصوصی ایلچی اسٹیو وٹکوف بھی شامل تھے۔
دوسری جانب ایرانی وفد کی قیادت ایرانی پارلیمنٹ کے اسپیکر محمد باقر قالیباف کر رہے تھےجبکہ وزیر خارجہ عباس عراقچی بھی وفد کا حصہ تھے۔
ذرائع کے مطابق اسلام آباد میں ہونے والے پہلے دور کے مذاکرات میں بعض معاملات پر پیش رفت ہوئی تھی، جس کے بعد دونوں فریقین نے مزید ملاقاتوں پر اتفاق کیا تھا۔