خواجہ سعد رفیق نے کہا ہے کہ دنیا بھر میں وزیراعظم اور فیلڈ مارشل کے چرچے ہو رہے ہیں جبکہ ڈونلڈ ٹرمپ بھی پاکستان کی تعریف کر رہے ہیں اور ہر طرف قومی پرچم لہرا رہا ہے۔
مسلم لیگ (ن) کے رہنما اور سابق وفاقی وزیر نے لاہور میں ایک تقریب سے خطاب کرتے ہوئے کہا کہ بھارت نے پاکستان پر حملہ کرکے حماقت کی، ورنہ قوم کو یہ کیسے معلوم ہوتا کہ ہم دشمن کو شکست دینے کی مکمل صلاحیت رکھتے ہیں۔
انہوں نے کہا کہ سول اور ملٹری قیادت اس وقت ایک پیج پر ہے، جبکہ اسحاق ڈار اور مشیر قومی سلامتی نے بھی بہترین کارکردگی دکھائی۔
خواجہ سعد رفیق کا مزید کہنا تھا کہ موجودہ حالات میں قومی یکجہتی اور قیادت کا اتفاق ملک کی بڑی طاقت بن چکا ہے۔