اسلام آباد ہائیکورٹ نے 190 ملین پاؤنڈ کیس میں بانی پی ٹی آئی اور بشریٰ بی بی کی سزا کے خلاف دائر مرکزی اپیلیں 7 مئی کو سماعت کے لیے مقرر کر دی ہیں۔
عدالت نے سزا معطلی کی درخواستیں غیر مؤثر ہونے پر نمٹا دیں اور انہیں پہلے سننے کی استدعا بھی مسترد کر دی۔
چیف جسٹس سردار سرفراز ڈوگر اور جسٹس محمد آصف پر مشتمل ڈویژن بینچ نے یہ فیصلہ سنایا۔
یاد رہے کہ احتساب عدالت اس کیس میں بانی پی ٹی آئی کو 14 سال قید اور 10 لاکھ روپے جرمانہ جبکہ بشریٰ بی بی کو 7 سال قید اور 5 لاکھ روپے جرمانے کی سزا سنا چکی ہے۔