سندھ کابینہ نے موٹر سائیکل فیول سبسڈی پروگرام میں توسیع کی منظوری دے دی ہے۔وزیراعلیٰ سندھ مراد علی شاہ کے ترجمان کے مطابق پیپلز موٹر سائیکل فیول سبسڈی پروگرام کو 31 مئی 2026 تک بڑھا دیا گیا ہے۔
اجلاس کے دوران وزیراعلیٰ سندھ نے ہدایت کی کہ مئی کے مہینے کے لیے فیول سبسڈی کی مد میں 2 ارب روپے فوری طور پر جاری کیے جائیں تاکہ مستحق افراد کو بروقت ادائیگی یقینی بنائی جا سکے۔
اجلاس کو بتایا گیا کہ اس پروگرام کے تحت اب تک 5 لاکھ 48 ہزار سے زائد افراد کو سبسڈی فراہم کی جا چکی ہے جبکہ مجموعی طور پر 1.096 ارب روپے کی ادائیگیاں مکمل ہو چکی ہیں۔