امریکی محکمہ خارجہ نے پشاور میں قائم امریکی قونصل خانے کو مرحلہ وار بند کرنے کا اعلان کر دیا۔
بیان کے مطابق خیبر پختونخوا سے متعلق سفارتی امور اب اسلام آباد میں موجود امریکی سفارتخانے منتقل کیے جائیں گے۔ فیصلہ سیکیورٹی اور وسائل کے مؤثر استعمال کے پیشِ نظر کیا گیا۔
محکمۂ خارجہ کا کہنا ہے کہ اس تبدیلی کے باوجود پاکستان سے متعلق امریکی پالیسی برقرار رہے گی اور خیبر پختونخوا کے عوام و حکام سے روابط جاری رکھے جائیں گے تاکہ معاشی اور علاقائی تعاون کو فروغ دیا جا سکے۔