کراچی میں شارعِ فیصل پر ٹریفک کے بہاؤ کو بہتر بنانے کے لیے موٹرسائیکل اور بسوں کے لیے ایک بار پھر علیحدہ لین مقرر کرنے کا فیصلہ کر لیا گیا ہے اب موٹر سائیکل سوار صرف پہلی اور دوسری لین پر ہی سفر کر سکیں گے۔
ڈی آئی جی ٹریفک پیر محمد شاہ کے مطابق اس اقدام کا مقصد ٹریفک کے نظام کو منظم اور شہریوں کے لیے سفر کو آسان بنانا ہے۔ انہوں نے کہا کہ لین کی خلاف ورزی کرنے والوں کے خلاف کیمروں کے ذریعے ای چالان جاری کیا جائے گا۔
انہوں نے مزید بتایا کہ شہر میں ٹریفک نظم و ضبط بہتر بنانے کے لیے اقدامات تیزی سے جاری ہیں اور نئے ٹریفک پلان پر سختی سے عمل درآمد یقینی بنایا جائے گا۔ ٹریفک پولیس کے مطابق اس ماہ شہریوں کو آگاہی دی جائے گی جبکہ یکم جون سے خلاف ورزی کرنے والوں کو چالان جاری کیا جائے گا۔